IPL -૨૦૨૪ ના રસિકો માટે મેટ્રોનો ટાઈમ લંબાવાયો, 24 અને 31 મી માર્ચ તથા 4 એપ્રિલ માટે સ્પેશિયલ ટિકિટ ...
- 22 Mar, 2024
ક્રિકેટ રસિયાઓ માટે આનંદના સમાચાર સામે આવ્યા છે, મેટ્રો રેલ કોર્પોરેશન દ્વારા અમદાવાદમાં ઈન્ડિયન પ્રિમિટર લીગ 2024ની મેચ માટે મેટ્રો ટ્રેનનો સમયમાં ફેરફાર કરવાનો નિર્ણય કરવામાં આવ્યો છે. આજથી IPL-૨૦૨૪ નો પ્રારંભ થયો છે. ચેપોક સ્ટેડિયમ ખાતે ચેન્નઈ સુપર કિગ્સ અને રોયલ ચેલેન્જર્સ બેગ્લોર વચ્ચે મેચ રમાવાની છે. જ્યારે 24 માર્ચ નાં રોજ નરેન્દ્ર મોદી સ્ટેડિયમ ખાતે ગુજરાત ટાઈટન્સ અને મુંબઈ ઈન્ડિયન્સ વચ્ચે મેચ રમાનાર છે. આ મેચને લઈ અમદાવાદ મેટ્રોનો સમય લંબાવવાનો નિર્ણય આજે કરવામાં આવ્યો છે.
અમદાવાદના નરેન્દ્ર મોદી ક્રિકેટ સ્ટેડિયમ ખાતે 24 અને 31 મી માર્ચ તથા 4 એપ્રિલ ના રોજ યોજાનારી આગામી IPL 2024 ક્રિકેટ મેયોને ધ્યાનમાં રાખીને, GMRC એ મોટેરા સ્ટેડિયમ મેટ્રો સ્ટેશનથી સવારના 6.20 વાગ્યાથી રાત્રિના 12 વાગ્યા સુધી ટ્રેન સેવાઓનો સમય લંબાવવાનો નિર્ણય કર્યો છે. આ ઉપરાંત, જીએમઆરસીએ મેટ્રોના મુસાફરોને મુશ્કેલી ન પડે તે માટે દર્શાવેલ IPL મેચોના દિવસોમાં પરત ફરવા, સ્પેશ્યલ પેપર ટિકિટ બહાર પાડેલ છે.
મુંબઈ ઈન્ડિયન્સની ટીમ સાંજે અમદાવાદ આઈટીસી નર્મદા હોટલ પર આવી પહોંચી હતી. મુંબઈ ઈન્ડિયન્સની ટીમનું હોટલ ખાતે ભવ્ય સ્વાગત કરવામાં આવ્યું હતું. તેમજ ગુજરાતના પૂર્વ કેપ્ટન હાર્દિક પંડ્યા મુંબઈ ઈન્ડિયન્સની આગેવાનીમાં કરશે. મેચને લઈ ગુજરાત ટાઈટન્સની ટીમે અત્યારથી જ પ્રેક્ટિસ શરૂ કરી દીધી છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ